COEDWIG GENEDLAETHOL CYMRU - RHAGLEN YMGYSYLLTU Â RHANDDEILIAID (2021)

 

Dylunio a darparu rhaglen rhanddeiliaid ar-lein ddwyieithog ar gyfer menter flaenllaw Llywodraeth Cymru.

 

Gwasanaethau

Dylunio’r ddigwyddiad· Hysbysebu digidol · Darparu’n ddwyieithog · Cymorth i siaradwyr · Rheoli cofrestru · Recordio a mynediad ar-alw · Cynhyrchu technegol

 

Yr Her

Mae’r Goedwig Genedlaethol i Gymru yn fenter flaenllaw gan Lywodraeth Cymru i greu rhwydwaith cysylltiedig o goetiroedd ledled y wlad. Ar gyfnod cynnar a hollbwysig yn natblygiad y prosiect, roedd angen i’r cleient ymgynghori ag ystod eang ac amrywiol o randdeiliaid — gan gynnwys cymunedau, sefydliadau amgylcheddol, awdurdodau lleol ac arbenigwyr y sector — er mwyn llywio gweledigaeth genedlaethol a rennir.

 

Roedd yn hanfodol bod y rhaglen yn gwbl ddwyieithog, yn hygyrch i gyfranogwyr ledled Cymru, ac yn gallu casglu adborth ystyrlon a strwythuredig.

 

Ein Dull

Gan weithio’n agos gyda thîm Llywodraeth Cymru, datblygodd a rheolodd Cazbah gyfres o chwe sesiwn ar-lein ddwyieithog dros dri diwrnod, wedi’u cynnal ar ein platfform diogel ein hunain, eventbocs.

 

O’r cychwyn cyntaf, ein blaenoriaeth oedd creu amgylchedd digidol a oedd mor gynhwysol a chyfranogol â digwyddiad wyneb yn wyneb. Roedd hyn yn cynnwys ystafelloedd trafod pwrpasol, hwyluso byw, a swyddogaethau sgwrsio integredig a oedd yn galluogi rhanddeiliaid i gyfrannu adborth yn uniongyrchol i dîm y prosiect.

 

Rheolodd Cazbah y rhaglen gyfan o’r cam cynllunio hyd at y gweithgareddau ôl-ddigwyddiad. Gan weithio gyda’n partneriaid cyfathrebu Working Word, gweithredwyd ymgyrch hysbysebu wedi’i thargedu ar Google ac YouTube a ddenodd bron i 4,000 o ymweliadau â’r wefan archebu. Gwnaethom hefyd ddarparu ymarferion a briffiau technegol i siaradwyr er mwyn sicrhau cyflwyniadau hyderus o safon uchel, ynghyd â chymorth llawn yn y Gymraeg a’r Saesneg drwy gydol y rhaglen.

Cofnodwyd pob sesiwn a’i gwneud ar gael ar-alw wedi’r digwyddiad, gan sicrhau bod rhanddeiliaid nad oeddent yn gallu ymuno’n fyw yn dal i allu gweld y cynnwys a chyfrannu at yr ymgynghoriad.

 

Y Canlyniad

Darparodd y digwyddiad dwyieithog gyfranogiad cryf a mewnwelediad gwerthfawr ar gyfer rhanddeiliaid, gan gyfrannu at ddatblygiad gweledigaeth ar y cyd ar gyfer Coedwig Genedlaethol.

 

Y Canlyniadau ar Gipolwg

• Cymerodd dros 539 o fynychwyr ran ar draws chwe sesiwn.

• Cyrhaeddodd yr ymgyrch dros 199,000 o bobl trwy gyfrwng grwpiau cymunedol a sianeli cymdeithasol.

• Roedd yr adborth yn amlygufformat hygyrch, cyfathrebu clir, a gwasanaeth technegol llyfn.