CYNHADLEDD INTERNATIONAL MINE WATER ASSOCIATION (IMWA) (2023)

Darparu cynhadledd ryngwladol o safon fyd-eang yn ddi-dor, gan arddangos arweinyddiaeth Cymru ym maes arloesi amgylcheddol.

Gwasanaethau

Gwasanaeth llawn gan gynnwys datblygu’r rhaglen; cydlynu rhanddeiliaid; cofrestru a chyfathrebu â chleientiaid; rheoli nawdd ac arddangosfeydd; logisteg teithio; cysylltu â’r lleoliad; trefnu rhaglen adloniant lawn i westeion; a darparu cynadleddau wyneb yn wyneb a rhithwir.

​

Yr Her

Roedd Cymdeithas Ryngwladol Dŵr Mwyngloddiau (IMWA) angen partner darparu profiadol i reoli cynhadledd ryngwladol gymhleth dros wythnos, gan ddod â rhanddeiliaid a chynadleddwyr o bob cwr o’r byd ynghyd. Yn dilyn cynhadledd rithwir yn 2021, roedd digwyddiad 2023 yn nodi’r dychweliad i fformat wyneb yn wyneb, gan olygu bod angen sicrhau profiad cynadleddol o’r safon uchaf tra’n arddangos Cymru ar lwyfan rhyngwladol.

​

Ein Dull

Darparodd Cazbah wasanaeth rheoli digwyddiadau o’r dechrau i’r diwedd, gan weithio’n agos gyda phwyllgor trefnu IMWA a phartneriaid allweddol gan gynnwys Cyfoeth Naturiol Cymru, yr Awdurdod Glo, Llywodraeth Cymru a phrifysgolion blaenllaw.

​

Buom yn cadeirio cyfarfodydd cynllunio, yn cydlynu mewnbwn rhanddeiliaid ac yn datblygu rhaglen gynhwysfawr yn cynnwys sesiynau academaidd, arddangosfeydd, ymweliadau safle a chinio gala. Roeddem hefyd yn gyfrifol am bob agwedd ar gyfathrebu â chynadleddwyr, cofrestru a logisteg, gan sicrhau profiad croesawgar a di-dor i gynulleidfa ryngwladol.

​

Gan ddefnyddio ein rhwydwaith o bartneriaid dibynadwy, curadwyd rhaglen gymdeithasol unigryw a oedd yn dathlu diwylliant a threftadaeth Cymru. Roedd hyn yn cynnwys cinio gala mawreddog a noson lawn o adloniant gyda pherfformiadau gan Celfyddydau Cenedlaethol Ieuenctid, Coleg Brenhinol Cerdd a Drama Cymru ac Opera Cenedlaethol Cymru.

​

Canlynidau

Cynhadledd ryngwladol hynod broffesiynol ac ymgysylltiol a ddaeth ag arbenigwyr byd-eang ynghyd, cryfhau cydweithio rhwng sefydliadau, a chadarnhau enw da Cymru fel arweinydd ym maes rheoli dŵr mwyngloddiau’n gynaliadwy.

​

Y Canlyniadau ar Gipolwg

• Cynadleddwyr o Ewrop, Asia, Affrica ac America

• Rhaglen wythnos o hyd yn cyfuno profiadau academaidd, diwylliannol a rhwydweithio

• Pontio llwyddiannus o gynhadledd rithwir (2021) i ddigwyddiad wyneb yn wyneb (2023)

• Cydweithio cryf rhwng nifer o sefydliadau partner

• Adborth cadarnhaol yn canmol proffesiynoldeb, trefniadaeth a phrofiad y cynadleddwyr