Sefydlwyd Comisiwn Annibynnol ar Ddyfodol Cyfansoddiadol Cymru gan Lywodraeth Cymru i ymgysylltu â'r cyhoedd mewn sgwrs genedlaethol am lywodraethu Cymru yn y dyfodol. I gefnogi hyn, comisiynwyd Cazbah i ddylunio a chyflwyno rhaglen sioe deithiol ddwyieithog o ddigwyddiadau ymgysylltu â'r cyhoedd ledled Cymru.

Gan weithio mewn cydweithrediad agos â thîm y Comisiwn, trefnodd a rheolodd Cazbah 25 o ddigwyddiadau dros dro mewn trefi a dinasoedd ar draws holl ranbarthau Cymru. Y nod oedd creu cyfleoedd hygyrch i ddinasyddion rannu eu barn ar ddyfodol cyfansoddiadol Cymru a sicrhau dull cytbwys a chynhwysol o ymgysylltu.

Cynhaliwyd y digwyddiadau mewn mannau cymunedol, canolfannau siopa a lleoliadau cyhoeddus, wedi'u cynllunio i annog cyfranogiad a deialog digymell.  Er mwyn sicrhau profiad croesawgar ac addysgiadol i bob ymwelydd, cefnogwyd pob un gan ddeunyddiau hyrwyddo dwyieithog a hwyluswyr hyfforddedig.

Cazbah oedd yn gyfrifol am bob agwedd ar gynllunio a logisteg — o gysylltu â lleoliadau a staffio i frandio, cyflwyno arolygon a rheoli data. Sicrhaodd y tîm hefyd hyrwyddiad eang  y digwyddiadau ar draws sianeli digidol a lleol i ddenu trawstoriad amrywiol o gyfranogwyr.

 

Canlyniadau

Llwyddodd y rhaglen sioeau teithiol i ddarparu ymgysylltiad eang a mewnwelediad cyhoeddus gwerthfawr i'r Comisiwn.

• Cynhaliwyd 25 o ddigwyddiadau ledled Cymru, gan gyrraedd cymunedau o ganolfannau trefol i ardaloedd gwledig.

 

• Cwblhaodd 2,327 o unigolion yr arolwg, gan gyfrannu'n uniongyrchol at sylfaen dystiolaeth y Comisiwn.

 

• Roedd y digwyddiadau'n gwbl ddwyieithog ac yn hygyrch, gan hyrwyddo cyfranogiad o bob sector o gymdeithas.

Roedd y canfyddiadau a gasglwyd trwy'r digwyddiadau hyn yn fodd i lywio adroddiad terfynol y Comisiwn, gan gynorthwyo i lunio'r sgwrs genedlaethol ar ddyfodol cyfansoddiadol Cymru.